အမှတ်တရတက္ကသိုလ်ဝင်တန်း

     ၂၀၀၃ ခုနှစ်က တပ်မတော်ဗိုလ်ရွေးအဖွဲ့ (OTT) မှာ စိတ်ပညာဆိုင်ရာမေးခွန်း အမေးခံရတုန်းက အချိန်လေးကို သွားသတိရမိတယ်။ စိတ်ပညာမေးခွန်းဆိုတာလဲ ဘာမှန်းမသိ၊ ဗိုလ်လောင်းဝင်ခွင့် ရဖို့အတွက် ကျွန်တော်ပြင်ဆင် လာခဲ့တာဆိုလို့ လပခ မှာတုန်းက ၀ယ်ခဲ့တဲ့ အထွေထွေမှတ်စု စာအုပ်တစ်အုပ်၊ စာကြည့်တိုက်ကနေ တစ်ပတ်ငှားလာခဲ့တဲ့ ဆရာဝန်တင်ရွှေရဲ့ စိတ်ပညာဆိုင်ရာ စာအုပ်တစ်အုပ်၊ ကျွန်တော်ဝင်ခွင့်အောင်တုန်းက ကျွန်တော်နဲ့အတူတူ အလုပ်လုပ်ခဲ့တဲ့ အကို တစ်ယောက်က သူဝင်ဖြေတုန်းကမှတ်ထားတဲ့ မှတ်စုဗလာစာအုပ်လေးတစ်အုပ်၊ အဲဒါပဲပါခဲ့တာ။ ကျူရှင်ဆိုတာ ကြားတော့ကြားဖူးပါရဲ့။ ဘာတွေ သင်မှန်းလဲမသိ။ ဘယ်လိုလုပ်ရမလဲဆိုတာ မသိခဲ့ဘူး။ ဒါပေမယ့် အလုပ်က အကိုတစ်ယောက်ရဲ့ သင်ပြမှုတစ်ချို့နဲ့အတူ လေ့လာထားသင့်တာလေးတွေ ကိုတော့ လော့လာထားခဲ့တာပေါ့ဗျာ။

     အဲဒီလိုနဲ့ ဗိုလ်ရွေး စ၀င်ကတည်းက စစ်သားတစ်ယောက်ရဲ့ ပုံစံမျိုး အသွင်းခံထား ရတဲ့ကျွန်တော် တို့တွေက ၃ရက်လောက်ကိုတောင် ၃ နှစ်လောက်ကြာတယ်လို့ခံစားမိနေပါပြီ။ ၄ရက်မြောက်နေ့မှာပဲ စိတ်ပညာနဲ့ပတ်သတ်တဲ့ မေးခွန်းတွေကို ဗိုလ်မှူးကြီးတစ်ဦးက မေးပါတယ်။ ကျွန်တော်တို့တွေ တစ်ယောက်ချင်းဝင်ပြီးလူတွေ့ဖြေရတာပါ။ ကျွန်တော့်အလှည့်ရောက်တော့ ဗိုလ်မှူးကြီးက မေးခွန်းတွေ တစ်ခုပြီးတစ်ခုမေးတယ်။ ကျွန်တော်လဲ ကျွန်တော့်စိတ်ထဲရှိတဲ့အတိုင်း အကုန်ဖြေပစ်လိုက် ပါတယ်။   နောက်ဆုံးမေးခွန်းတစ်ခုမေးတယ်။

          “ ဗိုလ်လောင်း ဘ၀မှာ ငိုစရာရော၊ ရယ်စရာပါ တစ်ထပ်တည်းကြုံတဲ့အချိန်

             ရှိခဲ့ဖူးလား”

          အဲသလိုမေးလိုက်တော့ ကျွန်တော် ၂၀၀၃  ဆယ်တန်းအောင်စာရင်းထွက်တဲ့ အချိန် ကိုပြန်သွားသတိရမိတယ်။ အဲဒါကြောင့် “ရှိဖူးပါတယ်” လို့ဖြေပြီး အဲဒီအကြောင်းအရာကို ဆက်ပြောပြ လိုက်တယ်။ ဖြစ်ပုံက -

          ၂၀၀၂-၂၀၀၃ ပညာသင်နှစ်ရဲ့ တက္ကသိုလ်ဝင်တန်း အောင်စာရင်း ထွက်တဲ့နေ့- အဲဒီနေ့က  ကျွန်တော်အေင်စာရင်း မကြည့်မိချိန်အထိ ကျွန်တော့်စိတ်ထဲမှာ အောင်မယ်ဆိုတာ ကိုသေချာနေခဲ့ တာ။(ဖြေနိုင်ခဲ့တဲ့ ဘာသာလေးတွေကို ဂုဏ်ထူးတောင် မှန်းခဲ့မိသေး) အိမ်ကနေ စက်ဘီးလေး စီးပြီးကျောင်းကို ထွက်လာခဲ့တယ်။

          ကျောင်းကိုရောက်တော့ လူတွေကအောင်စာရင်းကပ်ထားတဲ့ဘုတ်မှာ ပြည့်နေပြီ။ အကုန်တိုးဝှေ့ ကြည့်ကြတာပေါ့။ ကျွန်တော်လဲ ရင်တွေကခုန်နေပြီ… သူများတွေလိုမတက် ခဲ့ရပေမယ့် ကျွန်တော့်ရဲ့ ကြိုးစားမှုရလာဒ်လေးကို ကျွန်တော်သိချင်လှပြီလေ။ အဲဒါကြောင့် ကျွန်တော် လူအုပ်ထဲကိုတိုး… ဘုတ်မှာ ကြည့်လိုက်တော့ စာရွက်က ၁၀ ရွက်လောက်ပဲရှိ မယ်။ အပေါ်ဆုံးကနေ အလယ်လောက်ထိကို ကြည့်မိတဲ့အထိ ကျွန်တော့်နာမည်မပါသေးဘူး။ ခုံနံပါတ်အစဉ်လိုက် ရိုက်ထားတာဆိုတော့… ကျွန်တော့် နာမည်က အောက်ဆုံးလောက်မှာ ရှိလောက်မယ်ဆိုပြီး အောက်ဆုံးက စာရွက်ကိုကြည့်တော့ မရမ -၁၁၂၅ နဲ့ ဆုံးနေတယ်။ သေချာအောင် နောက်ထပ်စာရွက်ရှိလိုရှိငြားထပ်ရှာသေးတယ်။ မတွေ့တော့ဘူး။ အဲဒီခုံနံပါတ်အောက်ကလူတွေ တစ်ယောက်မှ မရှိတော့ဘူး။ ကျွန်တော့်ခုံနံပါတ်က မရမ - ၁၁၃၆   လေ။  သေချာအောင်လို့ တစ်ဖက်မှာရှိတဲ့ ဘုတ်အသေးတစ်ခုကို သွားကြည့်လိုက်သေးတယ်။ အဲဒီမှာ ကပ်ထားတာက ဘောဂနဲ့ ၀ိဇ္ဇာတွဲတွေ။ ကျွန်တော့်ရင်ထဲမှာ လှိုက်ကနဲ… ဖြစ်သွားတယ်။ ခြေတွေ၊ လက်တွေတောင် မခိုင်ချင်တော့ဘူး။  ကျလုလုမျက်ရည်စတွေကို ထိန်းပြီး စက်ဘီးကို အတင်းစီးလို့ အိမ် အရောက်ပြန်ခဲ့တော့တယ်။

          အိမ်ရောက်တော့ မျက်ရည်က လုံးဝထိန်းလို့မရတော့ဘူး။ တစ်နှစ်လုံးကြိုးစားခဲ့သမျှကုန်ပြီပေါ့။ အမေတို့က၀ိုင်းမေးတော့ ကျွန်တော်မြင်ခဲ့တဲ့အတိုင်းဖြေတယ်။ အဲဒီမှာကျွန်တော့်အကိုကြီးကမေးတယ်။ “ဟေ့ကောင်၊ မင်းသေချာလား” တဲ့ ကျွန်တော်လဲသေချာတယ်။ ကျွန်တော်ကျပြီပေါ့။ သူကမယုံဘူး။ ကျွန်တော်အောင်ကိုအောင်ရမယ်လို့သူတွက်ထားတယ်။ ရှင်းရှင်းပြောရရင်ကျွန်တော့်ကိုယ်ကျွန်တော်ထက် သူက ယုံကြည်ချက်ပိုရှိတယ်။ “ ပြော… မင်းခုံနံပါတ်” ဆိုပြီးခုံနံပါတ်တောင်းတယ်။ ပြီးတော့ စက်ဘီးစီးပြီး 

ကျောင်းဘက်ကို နင်းထွက်သွားခဲ့တယ်။ အိမ်မှာကျန်ခဲ့တဲ့ အမေနဲ့အဖေကတော့နှစ်သိမ့် တာပေါ့။ နောက်နှစ်ရှိသေးတယ်။ အားမငယ်နဲ့ပေါ့။ ဒါပေမယ့် ကျွန်တော့်ရင်ထဲက၀မ်းနည်းမှုကို ဘယ်လိုမှနှစ်သိမ့်လို့မရခဲ့ဘူး။ ဆယ့်ငါးမိနစ်လောက်ကြာတော့ ကျွန်တော့်အကို စက်ဘီးနဲ့ပြန်ရောက် လာတယ်။ မျက်နှာကပြုံးလို့…။

          “ခွေးကောင် (သူကျွန်တော့်ကိုချစ်စနိုးနဲ့တစ်ခါတစ်ခါအဲ့သလိုပဲခေါ်လေ့ရှိတယ်)

          သေချာမကြည့်ဘူး။ ဘုတ်အသေးလေးက ဘုတ်အကြီးရဲ့ညာဘက်နားမှာ ဘုတ်

          သေးသေးလေးရှိတယ်။ ဘောဂနဲ့ ၀ိဇ္ဇာ တွေကပ်ထားတဲ့ဘုတ်ရဲ့ ဘယ်ဘက်နားမှာ။

          မင်းတို့နာမည်တွေဘုတ်အကြီးမှာမဆံ့လို့ဖြစ်မယ်။ အဲဒီမှာ စာရွက်က နှစ်ရွက်ပဲ

          ရှိတယ်။ မင်းခုံနံပါတ်၊ နာမည်၊ အဘနာမည် အကုန်ပါတယ်။ ”

     ကျွန်တော်ရင်ခုန်သွားတယ်။ မျက်နှာမှာလဲ ပြုံးရိပ်ကသန်းလာတယ်။ အကိုသွားကြည့်လာတာ ဆိုတော့ ယုံတော့နဲနဲယုံတယ်။ သေချာအောင်လို့ အပြုံးတစ်ဝက်နဲ့ အကို့ကိုထပ်မေးလိုက်တယ်။

          “ ဟီး… သေချာလို့လား”

  ကျွန်တော်မယုံနိုင်သေးပါဘူး။ မျက်နှာမှာ မျက်ရည်စက်လက်နဲ့ အရယ်တစ်ဝက်နှော ပြီးပြန်မေး လိုက်တယ်။ ကျွန်တော့်အကိုက-

          “သွား.. မင်းမယုံရင် စက်ဘီးယူပြီးပြန်သွားကြည့်” တဲ့

     ကျွန်တော့်မိဘတွေလည်း အဲဒီတော့မှ ရယ်နိုင်ကြပါတော့တယ်။ ပြီးတော့စက်ဘီးယူပြီး ကျွန်တော်   ကျောင်းကို အပြေးသွားကြည့်တယ်။ ဟုတ်တယ်။ ကျွန်တော့်အကိုပြောသလိုပဲ။ ကျွန်တော်အောင်တယ်။ ကျွန်တော့်အောက်က သူငယ်ချင်းတွေလည်း အကုန်အောင် ကြတယ်။ ကျွန်တော့်သူငယ်ချင်း အရင်းခေါက်ခေါက် နေလွင်အောင်တောင် ၃ ဘာသာပါတယ်။ ကျွန်တော်ဝမ်းသာလိုက်တာ။ အိမ်ကို စက်ဘီးတစ်အားစီးပြီးပြန်ပြေးလာခဲ့တယ်။ အိမ်ရောက်တော့ အမေတို့ကို “ဟုတ်တယ်။ သားအောင်တယ်” ဆိုပြီး စပ်ဖြီးဖြီးနဲ့ ပြော လိုက်တော့ တစ်အိမ်လုံးဝိုင်းရယ်ကြပါတယ်။ အမေကတော့ ပြောတယ်။ တုတ်ကြီး တို့ကတော့လုပ်လိုက်ရင်ဒီလိုပဲဟေ့- တဲ့။

          စိတ်ပညာမေးခွန်းမေးတဲ့ ဗိုလ်မှူးကြီးကို ကျွန်တော် အဲဒီလိုပဲဖြေပေးလိုက်တယ်။ သူလည်း သဘောတွေကျလို့။ ဟုတ်ပါတယ်။ အဲဒီအချိန်တုန်းကတော့ ကျွန်တော် ငိုရမလို၊ရယ်ရမလို ခံစားခဲ့ရတာပါ။ အခုတော့လည်း ပြန်စဉ်းစားရင် အရာအားလုံး၊ြ ဖတ်သန်းခဲ့ရသမျှ ဘ၀ရဲ့ဒုက္ခတွေက ဟာသတစ်ပုဒ်လိုပါပဲ။

          တစ်ချိန်ကကြုံခဲ့ဖူးတဲ့ဒုက္ခဟာ နောင်တစ်ချိန်မှာ ဟာသပဲတဲ့။

ကျွန်တော့်ဘ၀မှာ ကြုံခဲ့ရတဲ့အဖြစ်အပျက်တစ်ခုအနေနဲ့တင်ဆက်လိုက်ပါတယ်။

ပျော်ရွှင်ကြပါစေ…

ဝက်ကလေး (၂၄-၁၂-၁၂)

တနင်္လာနေ့ (၁၅း ၅၉ )

Read More ->>

ရာသက်ပန်ပွဲ

 

“ရာသက်ပန်ပွဲ”

အေးတော့အေးတယ်... ဒါပေမယ့် မြွေပွေး... 

မနေ့ကတော့ ယုန်သူငယ်... 

ငါ့မျက်နှာလေးတော်တော်ငယ်သွားတယ်

လွယ်လွယ်လေးမတွေးနဲ့... ဘ၀မှာပင်လယ်ဝေသွားမယ်

ဆက်လျှောက်လိုက်... လေပြေကရှေ့မှာမဝေးတော့ဘူး

ရဲရဲသာသောက်လိုက်... အဆိပ်တွေကငါ့ခွက်ထဲမှာ

တော်တော်ချိုတာပဲ... ဟေ့... ဒုက္ခဖျော်ရည်တစ်ခွက်ထပ်ပေး

အရိပ်ခိုပါ... အခက်ချိုးပါ... ဒါမျိုးကရိုးနေပြီလေ

ဒီကြောင်လား... မနေ့ကမှခေါင်းလျှော်ပေးထားတာ

တစ်ခါလျှော် - ၁၅၀၀ တဲ့

ပြောကြပါစေကွာ... အမြဲတမ်းတည့်နေရင်ပုံမှန်မဟုတ်ဘူး

ဘာ... ငါ့ကိုနင်းတက်ကြမလို့... ဟုတ်လား

တက်ပါစေကွာ... အညောင်းပြေတယ်

ဒေါက်... ဒေါက်...

- ဘယ်သူလဲ...

- စိတ်ညစ်စရာပါ

- စောင့်ပါဦးဗျာ

- ဘာဖြစ်လို့လဲ

- ပျော်ရွှင်စရာတွေနဲ့ပါတီလုပ်နေလို့

သူထိုင်စောင့်နေရှာတယ်... မထိုင်ခင် ပါတီပွဲခေါင်းစဉ်လေးတော့

သူဖတ်သင့်တယ်... ခေါင်းစဉ်က... ဘာတဲ့

“ ရာသက်ပန်ပွဲ”

ဝက် (8-10-2012) 

Read More ->>

လူငယ်ဘ၀နှင့် ကျွန်တော်တို့စစ်သား

ငယ်ငယ်တုန်းက ရုပ်ရှင်ဇာတ်လမ်းတွေကြည့်ရလို့ တက္ကသိုလ်ကျောင်းသား/ ကျောင်းသူတွေကိုမြင်ရင် ကျွန်တော်အရမ်းအားကျတယ်။ ကျွန်တော် တစ်ချိန်မှာ ကျွန်တော်လဲ တက္ကသိုလ်ကျောင်းသားတစ်ယောက် ဖြစ်ရမယ်လို့ ရည်မှန်းချက်ထားတယ်။ လွတ်လပ်တဲ့ လူငယ်ဘ၀ကိုတွေးရင်းနဲ့ တစ်ခါတစ်လေ အိပ်မက် များတောင် မက်ခဲ့မိပါသေးတယ်။ ဒါပေမယ့် ကျွန်တော်ဟာ လွတ်လပ်တဲ့ တက္ကသိုလ်ကျောင်းသားဘ၀၊ လူငယ် ဘ၀လေးကို မဖြတ်သန်းခဲ့ရပါဘူး။ တက္ကသိုလ်ဝင်တန်း အောင်တဲ့အချိန်မှာပဲ ကျွန်တော် စစ်တက္ကသိုလ် လျှောက်ဖို့ကြိုးစားခဲ့တယ်။ ရုပ်ရှင်ဇာတ်လမ်းတွေထဲက အပြင်တက္ကသိုလ်တွေကို အားကျခဲ့ပေမယ့် အဖေပြော လိုက်တဲ့စကားတစ်ခွန်းက ကျွန်တော့်ကို အပြင်တက္ကသိုလ်တွေနဲ့ ဝေးရာကိုတွန်းပို့လိုက်ပါတော့တယ်။

“ငါ့သား... မင်းခုဆို ဆယ်တန်းအောင်ပြီ၊ မင်းဘ၀ရဲ့လမ်းကွေ့တစ်ခုကို ရောက်နေပြီ။ ရှေ့ဆက်သွားဖို့ အတွက် လမ်းတွေအများကြီးရှိတယ်။ မင်းကြိုက်တာရွေးချယ်။ အေး.. မင်းရွေးချယ်ပြီးပြီဆိုရင်လည်း အဲဒီ လမ်းကို မင်းဘာသာဆက်လျှောက်၊ အနောက်ကနေ လိုအပ်တာ ထောက်ပံ့ပေးမယ်။ ဒါပေမယ့် သားငယ်ငယ် တုန်းကလိုတော့ အကုန်လိုက်လုပ်ပေးမှာမဟုတ်ဘူး။ ကိုယ့်လမ်းကိုယ်ရွေးမယ်။ ကိုယ်တိုင်လျှောက်ရမယ်။”

ကျွန်တော်ငယ်ငယ်လေးကတည်းက စစ်သားလုပ်ရမှာကို ၀ါသနာပါခဲ့ပါတယ်။ ရုပ်ရှင်တွေ၊ ဗွီဒီယိုတွေ ကြည့်တဲ့အခါ တက္ကသိုလ်တွေတွေ့ခဲ့တုန်းက တက္ကသိုလ်တက်ချင်စိတ်တွေပေါ်ခဲ့ပေမယ့် တစ်ကယ်တမ်း တက္ကသိုလ်ဝင်တန်း အောင်မြင်တဲ့အခါမှာတော့ ကျွန်တော်ဟာ ကျွန်တော်ဝါသနာပါရာ စစ်သားလုပ်ဖို့အတွက် စစ်တက္ကသိုလ်ကို လျှောက်ဖို့ဆုံးဖြတ်ခဲ့ပါတယ်။ အဲဒီလိုနဲ့... အဲဒီလိုနဲ့...

၂၀၀၃ ခုနှစ်၊ ဒီဇင်ဘာလ(၃) ရက်နေ့မှာ ကျွန်တော်ပြင်ဦးလွင်ကို ရောက်သွားခဲ့တယ်။ စစ်တက္ကသိုလ် ဆိုတဲ့ကျောင်းကြီးကို စစ်ပညာတွေအပိုသင်ပေးတဲ့ အပြင်တက္ကသိုလ်တစ်ခုလို့ပဲထင်ခဲ့တယ်။ အောက်တပ်ရင်း လို့ခေါ်တဲ့ Under Training (၃) လမှာတော့ စစ်ပညာအချို့သင်ရင်းသိပ်မသိသာပေမယ့် စီနီယာတွေဆီရောက် ပြီး ဒေါက်တွေ တင်ပြီးတဲ့အခါမှာတော့ စစ်တက္ကသိုလ်ရဲ့  စည်းကမ်းထိန်းသိမ်းပုံနဲ့ အလေ့အထတွေကို ပထမနှစ် တစ်နှစ်လုံး တစ်ဝကြီးသင်ယူခဲ့ရတော့တာပေါ့ဗျာ။ ကျွန်တော်တို့ ပထမနှစ်တွေကို ဒုတိယနှစ်တွေက အနီးကပ် ကွပ်ကဲပါတယ်။ ဒုတိယနှစ်ကိုတော့ တတိယနှစ်တွေက ကွပ်ကဲပြီး တတိယနှစ်တွေအားလုံးကိုတော့ တပ်ခွဲမှူး အရာရှိတစ်ဦးနဲ့ တပ်စုမှူးအရာရှိတစ်ဦးတို့က အဆင့်ဆင့်ကွပ်ကဲပါတယ်။ ပထမနှစ်မှာ အောက်သက်ကြေမှ နောင် နှစ်ကြီးသမားဖြစ်တဲ့အခါမှာ လက်အောက်ကိုကွပ်ကဲနိုင်မှာဖြစ်တဲ့အတွက် ပထမနှစ်သမားတွေဟာ စီနီယာအဆက်ဆက်ရဲ့  ကြပ်မတ်ကွပ်ကဲမှုကိုအခံရဆုံးဖြစ်နေပါတယ်။ အဲဒီတော့ ပင်ပန်းတာပေါ့ဗျာ။ မနက် ၅ နာရီကတည်းကထပြီး စလိုက်တဲ့အလုပ်တွေ၊ သင်တန်းတွေဟာ နောက်ဆုံး ည ၂၂း၀၀ ထိုးတဲ့အချိန်ကျမှ နားရ ပါတော့တယ်။ ဒါတောင် ညဘက်ကင်းပါတဲ့ရက်ဆိုရင် ကင်းထစောင့်ရပါတယ်။ အပြစ်လုပ်မိရင် အပိုကင်း စောင့်ရတာမျိုးပါကြုံရပါတယ်။

အဲဒီအချိန်တွေတုန်းက ကျွန်တော်တို့အတွက် အသက်သာဆုံးအချိန်တွေဟာ Academic Time လို့ ခေါ်တဲ့ စာပေသင်ကြားတဲ့အချိန်တွေပါပဲ။ အတန်းအားတဲ့အချိန်တစ်ချို့မှာ ကျွန်တော်တို့သူငယ်ချင်းတွေ စကား စမြည်ပြောခဲ့ကြဖူးတယ်။ ကျွန်တော်တို့တစ်တွေ စစ်တက္ကသိုလ်ရဲ့ ပထမနှစ်ကို ပင်ပင်ပန်းပန်း ဖြတ်သန်း နေချိန်မှာ ကျွန်တော်တို့နဲ့သက်တူ၊ ရွယ်တူသူငယ်ချင်းတွေ အပြင်တက္ကသိုလ်မှာ အပေါင်းအသင်းတွေနဲ့၊ ရည်းစားသနာတွေနဲ့ ပျော်ပါးနေကြမှာပဲ၊ ကျွန်တော်တို့သာ အပြင်တက္ကသိုလ်တွေတက်ခဲ့ရင် ဘာ၊ ညာ စသည်ဖြင့်ပေါ့။ အဲဒီအချိန်ကတည်းက ကျွန်တော်တို့မှာ လူငယ်ဘ၀ရဲ့လွတ်လပ်မှု၊ ပျော်ရွှင်မှုတွေ ဆိုတာကို မခံစားခဲ့ရပါဘူး။ တွေးကြည့်ရင်းနဲ့ လူငယ်ဘ၀ကိုနှမျောမိပေမယ့် ကိုယ့်ယုံကြည်မှုနဲ့ ကိုယ်ရွေးခဲ့တဲ့လမ်းကို လျှောက်နေရတဲ့အတွက် “နောင်တ” တော့မရခဲ့ပါဘူး။

စာသင်နှစ် (၃) နှစ်တာ ကာလလုံးမှာ ကျွန်တော်တို့အတွက် အထူးပြုဘာသာရပ်တွေ၊ စစ်ပညာတွေ အပတ်တကုတ်သင်ယူပြီးတဲ့နောက် ကျွန်တော်တို့အပတ်စဉ်အား အမိမြေရဲ့ ရင်ခွင်ထဲမှ လက်တွေ့ဘ၀ထဲကို တွန်းလွှတ်လိုက်ပါတော့တယ်။ ကျောင်းမှာသင်ကြားခဲ့ရတဲ့ ခေါင်းဆောင်မှု၊ စစ်ပညာ အစရှိတဲ့ ပညာတွေကို  တပ်ရင်း/တပ်ဖွဲ့တွေ ရောက်တဲ့အခါမှာ ကျွန်တော်တို့လက်တွေ့အသုံးချခွင့် ရလာပါတော့တယ်။ တပ်ရင်း/တပ်ဖွဲ့ တွေမှာဆိုတာကလည်း ကျွန်တော်တို့နဲ့ အသက်ရွယ်တန်းတူ ဆိုတာသိပ်မရှိပါဘူး။ အများစုက ကျွန်တော် တို့ထက် အသက်အားဖြင့်တော့ ကြီးတဲ့လူတွေချည်းပါပဲ။ ဒါပေမယ့် ကျွန်တော်တို့ဟာ ထိုသူများထက် ကျွန်တော်တို့က ရာထူးအားဖြင့် ကြီးသည့်အတွက် သူတို့သည်ကျွန်တော်တုိ့ရဲ့  ငယ်သားတွေပါပဲ။ ဘုတ်ကို ကျီး ရိုသေသလို၊ ကျီးကိုလဲ ဘုတ်ရိုသေ သကဲ့သို့ အပြန်အလှန်လေးစားမှုဖြင့် နေထိုင်ရသည့်အတွက် ကျွန်တော်တို့ မှာ မိမိလက်အောက်ငယ်သားများ အကြည်ညိုပျက်စေမည့် ကိစ္စရပ်များအား အထူးပင်ရှောင်ကျဉ်ကာ လူကြီး ဆန်ဆန်နေထိုင်၊ ပြုမူ၊ ပြောဆိုရပါတော့တယ်။ ရှင်းရှင်းပြောရရင်တော့ အသက်ငယ်ငယ်နဲ့ လူကြီးလုပ်နေရသူ တွေဟာ ကျွန်တော်တို့တစ်တွေပေါ့ခင်ဗျာ။

ကျွန်တော်တို့ အလုပ်ကိစ္စများ၊ ရပ်ရွာကိစ္စများနှင့် ရုံးပြင်ကန္နား သွားသည့်အခါများမှာလည်း သက်ဆိုင် ရာ ရုံး၊ ဌာနဆိုင်ရာဝန်ထမ်းတွေဟာ ကျွန်တော်တို့ကို လူငယ်တစ်ယောက်ကဲ့သို့ဆက်ဆံခြင်းမျိုးမရှိဘဲ (ရာထူးအရ) လူကြီးတစ်ယောက်လိုသာ ဆက်ဆံကြပါတော့တယ်။ အဲဒီတော့ ကျွန်တော်တို့မှာ သွားလေရာနေ ရာတိုင်းမှာ လူငယ်လိုနေရတာရှားပါတယ်။ တစ်ခါတစ်လေကျတော့လည်း တာဝန်တွေကြားကနေ ခဏလောက် ဖောက်ထွက်ပြီး လူငယ်ဆန်ဆန် နေကြည့်ချင်တဲ့စိတ်တွေ ပေါ်လာတယ်ဗျ။ ဒါပေမယ့် တာဝန်တွေကြားမှာ နေခဲ့ရတော့ လူငယ်မဆန်တတ်တော့ဘူးပေါ့ဗျာ။

တပ်၊ ဌာနတွေပြောင်းလို့ ကျွန်တော် မန္တလေးရောက်မှပဲ လုပ်ငန်းတာဝန် အနည်းငယ်ပေါ့ပါးသွားတဲ့ အတွက် အပြင်အရပ်သားသူငယ်ချင်း တစ်ချို့နဲ့ပေါင်းပြီး သူတို့နဲ့ လိုက်လျောညီထွေနေရင်း လူငယ်ဘ၀ရဲ့ အရသာကို အနည်းငယ်မြည်းစမ်းခွင့်ရခဲ့ပါတယ်။ ဒါပေမယ့် အဲဒီအချိန်မှာ ကျွန်တော့်ရဲ့ အသက်က လူလတ်ပိုင်း ထဲကို ၀င်နေပါပြီ။ ၁၈/ ၁၉ အရွယ် လူငယ်ဘ၀၊ ၂၀/၂၁ အရွယ် လူငယ်ဘ၀တွေကို တစ်ခါတစ်ခါ လွမ်းမော မိတယ်ဗျာ။ ကျွန်တော်ဟာ မန္တလေးရောက်လာလို့သာ လူငယ်ဘ၀ရဲ့ အရသာကို အနည်းအပါးခံစားခွင့်ရခဲ့ တာပါ။ ကျွန်တော်တို့ရဲ့ သူငယ်ချင်းအများစုထဲက တစ်ချို့က တိုင်းပြည်တာဝန်ကို ထမ်းဆောင်ရင်း အသက် စွန့်သွားခဲ့သည်လည်းရှိရဲ့။ တော်တော်များများကတော့ တာဝန်ကို ၂၄ နာရီထမ်းဆောင်ရင်း ရှေ့တန်းရောက် နေကြတယ်လေ။ အများစုခြုံကြည့်လိုက်ရင် ကျွန်တော်တို့စစ်သားတွေဟာ မိသားစုတွေ၊ ချစ်သူတွေတင်မကဘဲ လူတစ်ယောက်ရဲ့ လွတ်လပ်မှု၊ အထူးသဖြင့် လူငယ်တစ်ယောက်ရဲ့ လွတ်လပ်မှုတွေကို စတေးရင်း တိုင်းပြည် အတွက် အသက်ကိုတောင် ပဓာနမထားဘဲ စွန့်လွှတ်ထားကြသူတွေသာလျှင် ဖြစ်ပါကြောင်း။

ဝက်ကလေး (7-10-2012)

Read More ->>

သားကောင်းတို့ရဲ့ မိခင်မြေ (Mother Land) သို့အမှတ်တရ

အမေရေ... 

ဒီအချိန်ဆို ချယ်ရီတွေပွင့်လို့ ... အမေ့သားတွေမွေးထုတ်ဖို့  အဆင်သင့်ဖြစ်နေရောပေါ့...ဘာလိုလိုနဲ့ ၄၉ ယောက်မြောက်အမေ့သားတွေ တောင် အမေ့ရင်ခွင်နဲ့ဝေး... လို့ သားတို့ ကိုယ့်ခြေထောက်ပေါ်ကိုယ် ရပ်တည်ခဲ့တာ ဒီနှစ်ကုန်ရင် ၆နှစ်တင်းတင်းပြည့်ပြီအမေ... အမေပေးလိုက်တဲ့အသိပညာနဲ့  အတွေ့အကြုံပေါင်းစပ်ခုတော့... သား... ရင့်ကျက်သင့်သလောက် ရင့်ကျက်ခဲ့ပြီအမေ... အမေ မွေးထုတ်လိုက်တဲ့ သားတွေအတွက် အမေ့မှာဂုဏ်ယူစရာတွေနဲ့ ပြည့်နေသလို ၀မ်းနည်းစရာ သတင်းတွေလဲ အမေကြားမှာပါ... အမေ့စကားကိုနားထောင်၊ အမေပေးတဲ့ပညာနဲ့သားတို့ တိုင်းပြည်ကို ကာကွယ်ပေးနေပါတယ်အမေ... ဒါပေမယ့် တစ်ချို့ကပြောကြတယ်အမေ...ကျည်ဆံ တစ်တောင့်က ထမင်းတစ်နပ်တန်ဖိုးရှိတယ်တဲ့... အဲဒီလိုဖြုန်းတီးမှုတွေမဖြစ်အောင်စစ်ပွဲတွေရပ်ပါတဲ့... မေးကြည့်ပါ အမေ... ငြိမ်းချမ်းရေးအရသာကို စစ်သားတွေလောက် မက်မောတဲ့လူရှိပါဦးမလား...သူတို့က အေးအေးချမ်းချမ်းတောင်းဆိုကြရတာပါ... သူတို့အေးချမ်းဖို့အတွက်သားတို့က ထမင်းတစ်နပ်စာ ကျည်ဆံနဲ့ရင်းပြီးတောင်းဆိုနေရတာပါ သူတို့ပြောတဲ့ထမင်းတစ်နပ်စာလေးကြောင့် အသက်နဲ့ခန္ဓာ စွန့်လွှတ်ခဲ့ရတဲ့ သားတို့ရဲ့ ရဲဘော်ရဲဘက်တွေမှအများကြီးပါအမေ... ဒါတွေကိုသူ  တို့သိနိုင်ပါ့မလား... ငယ်ငယ်တုန်းကလို (၁) အသင့်ပြင် (၂) ကျည်ဆံထည့် (၃) မောင်းချိန် (၄) ၀ပ် (၅) ပစ်နိုင်ပြီ ဆိုပြီး ကျွန်တော်တို့ ကစားနေတာ မဟုတ်ပါဘူး အမေ... တစ်ချို့ ကပြောတယ်... ကျွန်တော်တို့က ထိုးစစ်ဆင် နေတာတဲ့... တစ်ကယ်တော့ ကျွန်တော်တို့လာတာ ရိက္ခာပို့ဖို့ပါ... ကြားထဲက မိုင်းဆွဲ၊ တိုက်ပွဲ ရှည်အောင် လုပ်နေတာက သူတို့တွေရယ်ပါ... သားမှာလဲ အသက်နဲ့ပါအမေ... သေနတ်နဲ့ ပစ်တာဟာ ပန်းနဲ့ပေါက်တာ မဟုတ်သလို မိုင်းဆွဲတာဟာ ပူပေါင်းဖောက်တာ မဟုတ်တဲ့အတွက် ငြိမ်ခံနေလို့တော့ မဖြစ်ဘူးအမေ... အမေ့သားတွေရဲ့  သတ္တိကိုအမေသိမှာပါ... တိုင်းပြည်အတွက် သားတို့အသက်တွေ သေချင်သေပါစေ အမေ သားတို့ဂရုမစိုက်ပါဘူး... ဒါပေမယ့် အဖျက်သမားတွေသတ်တိုင်းတော့  သားတို့ငြိမ်မခံနိုင်ဘူး အမေ... စိတ်ချပါအမေ... သားတို့မတရားမလုပ်ပါဘူး... မတရားလုပ်ရင်လဲ ငြိမ်ခံ မနေပါဘူး အမေ့သားတွေထဲက စုန်းပြူးတစ်ချို့ကြောင့် အမေ ရင်နာခဲ့ရပေမယ့် သားတို့အတွက်နဲ့ အမေဂုဏ်တက် စေရမယ်အမေ... နောက်ပြီး တိုင်းပြည်အတွက် တန်ဖိုးရှိတဲ့သားကောင်းရတနာတွေကို ဆက်ပြီး မွေးထုတ်ပေးနိုင်ပါစေ လို့လဲ... သား ဆန္ဒပြုပါတယ်အမေ...

(၄၉) ယောက်မြောက်သားတစ်ယောက်

ဝက်ကလေး (6-10-2012) 

Read More ->>

Facebook က ခိုင်းသော ကျွန်တော်

ပလောက် !

          ရေစက်ကလေးတစ်စက် ကျလာတယ်။ ကျွန်တော်... အဲဒီအသံလေးကိုကြားလိုက်ရတော့ ထ, ခုန်မတတ်ဖြစ်သွားတယ်။ ကျွန်တော် ခရမ်းချဉ်ပင်စိုက်လို့ရတော့မယ်လေ... ပြီးရင် ခရမ်းချဉ်သီးဆော့ လုပ်မယ်။ ခရမ်းချဉ်သီးဆော့ ပြီးသွားရင်ကျွန်တော့်အလုပ်တစ်ခုပြီးတော့မှာပေါ့... ဒါပြီးရင် ၈ နာရီခံ အပင်တွေစိုက်ရမယ်။ ၈ နာရီခံ အပင်တွေအပြင် Vanilla ပါစိုက်ရမယ်။ သူက 5000 တန် ကိတ်မုန့်ဖုတ်လို့ ရတယ်လေ...။ ပြီးရင် ဆိတ်နဲ့ကြက်တွေကိုအစာကျွေးရမယ်။ ကြက်ဥနဲ့ နို့နဲ့ရမှ မုန့်ဖုတ်တဲ့နေရာမှာ အဆင်ပြေဦးမှာလေ။ 

  ဒီအလုပ်တွေ ကျွန်တော်လုပ်ချင်လွန်းလို့တော့မဟုတ်ပါဘူး (စိတ်ကိုကပါနေလို့)။ ဒါပေမယ့်  Marie က ခိုင်းတယ်ဗျ။ သူခိုင်းတဲ့ ပရောဂျက်လေးတွေလုပ်ရတာ တစ်ခါတစ်လေကျတော့လဲပျော်စရာကောင်းတယ်။ တစ်ခါ တစ်လေကျတော့ နဲနဲစိတ်ရှုပ်တယ်။ ဒါ့အပြင် Walter ခိုင်းတာတွေပါထပ်လုပ်ရတယ်လေ။ ဆိတ်ကလေး ၀ယ်ပါဦးဆိုလဲဝယ်ရ။ ကြက်ကလေးဝယ်ဆိုလဲဝယ်ရနဲ့။ ကျွန်တော်ဒီထဲကနေခေါင်းထွက်တဲ့  အချိန်ဆိုတာ ည ၁ နာရီ ကျော်နေတတ်တယ်။ 

Facebook က ဂိမ်းတွေကိုကျွန်တော်မဆော့ဖြစ်တာ တော်တော်ကြာပါပြီ။ ခု Farm Ville 2 ပေါ်လာတော့ ကျွန်တော် အရင်ကကစားခဲ့တဲ့ Farm Ville ကိုသွားသတိရမိတယ်။ အစတုန်းက အတူတူပဲလို့ထင်တာ။ သူများကစားတာတွေ့မှ FV2 ကတစ်မူထူးခြားမှန်းသိခဲ့ရတယ်။ မကစားတော့ဘူးလို့ နေခဲ့ပေမယ့် သူများကစားတာမြင်တော့ ၀က်ကလေးတို့မနေနိုင်ပြန်ဘူး။ အဲဒါနဲ့ FV2 Request လေးကို နှိပ်လိုက်မိရာက စခဲ့တော့တာပါပဲဗျာ။ စစချင်းမှာ Marie ကမြင်းနဲ့ရောက်လာပြီး အပင်စိုက်နည်း၊ တိရစ္ဆာန်ကြီးထွားအောင်လုပ်နည်း၊ အစာကျွေးနည်း အစရှိသဖြင့်သင်ပြပေးတာပေါ့ဗျာ။ ပြီးတော့သူကပြန်သွားတယ်။ ကိုယ်ကဆက်ကစားပေါ့။ အစပိုင်း Level တွေမှာတော့ အပင်စိုက်လိုက်၊ ရောင်းလိုက်၊ အကောင်လေးတွေကို အစာကျွေးလိုက်နဲ့ နေခဲ့ပေမယ့် Level မြင့်လာတာနဲ့အမျှ Farm ကို ချဲ့ရတယ်။ ပြီးတော့ မုန့်တွေဖုတ်ရတယ်။ မလုပ်မနေရဖြစ်အောင်လည်း Marie ကခိုင်းတယ်။ အဲဒီလိုနဲ့ပဲ ကျွန်တော် FV2 ထဲခေါင်းနစ်နေခဲ့တာ တစ်ပတ်လောက်ရှိရောပေါ့။

FV2 မှာ ဒုက္ခအရောက်ဆုံးက “ရေ” ပါပဲ။ ရေ လေးတစ်စက်ရဖို့ ၃ မိနစ်စောင့်ရပါတယ်။ ရေတစ်စက်နဲ့လယ်တစ်ကွက်ဖြန်းပြီး အပင်စိုက်ရင်း Level တက်အောင်လုပ်ရတာပေါ့ဗျာ။ အဲဒီရေကို စောင့်ရင်း၊ အပင်စိုက်ရင်းနဲ့ပဲ ညကနက်နက်သွားပါတယ်။ ဂိမ်းဆိုတာမျိုးကလဲ မူးယစ်ဆေးလိုပဲ။ အစမလုပ်လိုက်နဲ့။ ပြီးရင်စွဲသွားရော။ ဖြတ်ဖို့ခက်တယ်။ တစ်ခါတစ်ရံမှ သုံးတတ်သူတွေအတွက် ပြဿနာမရှိပေမယ့်နေ့တိုင်းတက်ဖြစ်နေတဲ့လူတွေအတွက်ကျတော့ ရောဂါတစ်ခုလိုပဲ။ 

               အမတစ်ယောက်က သူ့ Wall ပေါ်မှာတင်ထားတာဖတ်ဖူးတယ်။ “ကွန်ပျူတာကိုခိုင်းသောသူသာ ဖြစ်ပါစေ၊ ကွန်ပျူတာက ခိုင်းသောသူမဖြစ်ပါစေနဲ့” တဲ့။ သူ့စကားလေးကမှန်တယ်။ အဲဒါကို ကျွန်တော် ပြန်ရေးဖူးတယ်။ “ ကွန်ပျူတာကခိုင်းတာမဟုတ်ပါဘူး။ Facebook ကခိုင်းနေတာပါ” လို့။ တစ်နေ့တစ်နေ့ ကွန်ပျူတာရှေ့ ရောက်တာနဲ့ FV2 ကိုဝင်တယ်။ အပင်စိုက်တယ်။ FB မှာစာဖတ်တယ်။ Like တွေ , Comment တွေ ၊ Status တွေနဲ့တင် ရှုပ်ယှက်ခတ်ပြီးတဲ့နောက်၊ ကျွန်တော်အလုပ်တွေဆက်လုပ်ပါတယ်။ အဓိကနဲ့သာမညကို ကျွန်တော်ခွဲနိုင်စွမ်းမရှိတော့ပါဘူး။ ကျွန်တော့အလုပ်က ဒုတိယဖြစ်ပြီး Facebook သည်သာ ပထမ ဖြစ်လို့လာပါတော့တယ်။ ဒီပုံစံအတိုင်းသာဆိုရင် ကျွန်တော့်အတွက် အလုပ်မှာ အခြေအနေကသိပ်မဟန်လောက်တော့ဘူး။ ဒါကြောင့် ကျွန်တော် Facebook ကိုတတ်နိုင်သမျှ ဖြတ်ဖို့အတွက် ဆုံးဖြတ်ရပါတော့တယ်။ တုံးတိကြီးတော့ ကျွန်တော်မဖြတ်နိုင်။ အရက်သမား၊ ဆေးလိပ်သမားများ ဆေးလိပ်ဖြတ်သလို တစ်ဖြည်းဖြည်းဖြတ်ရပါတော့မယ်။ 

               ကျွန်တော်ဆေးလိပ်တောင်ဖြတ်နိုင်ခဲ့ပြီးပြီပဲ...။ ယခု Facebook သည်ဆေးလိပ်လောက်တော့ ဖြတ်ရခက်မည်ဟုကျွန်တော်မထင်ပါချေ။ ဒီစာရေးပြီးတာနှင့် ကျွန်တော်ဖြတ်တော့မည်။ Facebook ကို တော်သင့်ရုံသာသုံးတော့မည်။ ပထမဆုံးအနေနှင့် Farm Ville 2 ကိုအရင်ဆုံးဖြတ်ရမည်ဟု ဆုံးဖြတ် ပြီးသည့်သကာလ... ကွန်ပျူတာတွင်တပ်ဆင်ထားသော Sound Box လေးမှ အသံလေးတစ်သံကြားလိုက် ရသည်။ 

ပလောက် !


ဝက်ကလေး(10-6-2012)

Read More ->>

မိုးကိုခြုံထားတဲ့အိုအေစစ်

ငါ့အလွမ်းတွေမျိုချထားခဲ့သမျှ
မိုးအဖြစ်နဲ့အန်ချခဲ့တယ်...
ဒါတောင်အလွမ်းတစ်ချို့ ကမြူတွေဆိုင်းတုန်း
အပြိုင်းအရိုင်းနဲ့ချီတက်တာတောင်
တို့နှစ်ယောက်... မဆုံနိုင်သေးဘူး...

ဟိုတစ်နေ့ကရွှဲနေတဲ့ငါ့ရင်ဘတ်
ခုတော့အဖူးသစ်တွေတောင်ထွက်... လို့
ငါစွန့်ပစ်ခဲ့တဲ့ မျက်နှာအဟောင်းကြီးကို
အတိတ်က ယူစားရင်းနဲ့ပြောတယ်
“မင်းကတော်တော်ခါးတယ်”

ရေဗူးလဲမပေါက်ဘူး၊ ရေလဲမပါဘူး
ဘယ်သူမှလဲမသောက်ဘူး
ငါလျှောက်ခဲ့ရတာများလို့ ကန္တာရတွေတောင်ဆိုညည်း
မင်းဆီကအပင် အမြစ်တောင်မြင်ရမှာမဟုတ်ဘူးတဲ့
ဂရုမစိုက်ဘူး

ပုန်းနှင့်တော့လေပြေရေ...
သီအိုရီအရ မင်းနဲ့တွေ့ရဖို့နီးနေပြီ
သူ့အလှည့်ကိုယ့်အလှည့်ပေါ့...
ငါ့ရင်တွေနွမ်းခဲ့သမျှ...
ဒီတစ်ခါတော့ “လန်း” ခွင့်ပြုပါ...

ဝက်ကလေး (၇-၉-၂၀၁၂)

Read More ->>

သိထားသင့်သော ကျန်းမာရေးဆိုင်ရာ ဗဟုသုတလေးများ

  

  လူသားတို့၏ခန္ဓာကိုယ်သည် အံ့သြဖွယ်စွမ်းရည်များဖြင့် ဖွဲ့စည်းတည်ဆောက်ထားပါသည်။ ထိုစွမ်းရည်များထဲမှ တစ်ခုသည် နာမကျန်းဖြစ်နေပြီဆိုပါက ထိုအကြောင်းကို ခန္ဓာကိုယ်၏ အစိတ်ပိုင်း တစ်ခုခုက ပြသနေတတ်ခြင်းပင်ဖြစ်သည်။ နံနက်ခင်းမျက်နှာသစ်ပြီးစအချိန်တွင် လူသားတိုင်း တစ်ကြိမ်တော့ မှန်ကြည့်မိတတ်ကြပါသည်။ ထိုအချိန်မျိုးတွင် အချိန် အနည်းငယ်မျှပေး၍ ကြေးမုံပြင်တွင်ထင်ဟပ်နေသော မိမိတို့၏ ခန္ဓာကိုယ်အစိတ်အပိုင်းပုံရိပ်များကို ကြည့်ရှုစစ်ဆေးပေးခြင်းဖြင့် ကျန်းမာရေးယိုယွင်းလာမှု၏ အစောပိုင်းလက္ခဏာများကို သိမြင် လာနိုင်သည်ဟု ကျန်းမာရေးဆိုင်ရာပညာရှင်တို့ ဆိုကြပါသည်။ ထိုအချိန်မျိုးတွင် မိမိခန္ဓာကိုယ်မှ- (၁)လက်သည်း (၂)ချိုင်း (၃)မျက်ခွံ၊ ဒူးခေါင်းနှင့် တံတောင်ဆစ် (၄)ဦးရေပြား (၅)ဝမ်းဗိုက် (၆)လျှာ (၇)မျက်စိ တို့ကို ကြည့်ရှုစစ်ဆေးသင့်ကြောင်း ပညာရှင်တို့အကြံပြုထားပါသည်။ (၁)လက်သည်း လူသားတို့၏အရေပြားတွင် ခုံးထနေသောမှဲ့များ တွေ့ရ တတ်ပါသည်။ ထိုမှဲ့များသည် အရေပြားကင်ဆာ၏ ရှေးဦးသင်္ကေတ ဖြစ်နိုင်ပါသည်။ မှဲ့ကင်ဆာသည် လက်သည်း၏အောက်ဖက်တွင်လည်း ဖြစ်ပွားနိုင်ပါသည်။ လက်သည်းပေါ်မှ အဝါရောင်၊ အညိုရောင်၊ အမည်းရောင်အစင်းများသည် အရေပြားကင်ဆာ၏ ရှေးဦးပုံရိပ်ဖြစ် နေတတ်ပါသည်။ အဘယ်ကြောင့်ဆိုသော် ထိုအစင်းများသည် မှဲ့ကင်ဆာကြောင့် ဆဲလ်များထိခိုက်ပျက်စီးရာမှ ဖြစ်ပေါ်လာတတ် သောကြောင့်ဖြစ်သည်။ မှဲ့ကင်ဆာသည် အရေပြားကင်ဆာများ ထဲတွင် အသေအပျောက်အများဆုံးသောရောဂါ ဖြစ်သည်ဟု နယူးယောက်စီးတီးမှ အရေပြားအထူးကုဒေါက်တာ အေရီအော့စတိ က ဆိုပါသည်။ သို့ရာတွင် စောစီးစွာသိရှိကုသနိုင်ပါက ၉၅ရာခိုင်နှုန်းမှာ ပျောက်ကင်းနိုင်ပါသည်။ ထို့ကြောင့် လက်သည်းများကို ကြည့်ရှု စစ်ဆေးပေးခြင်းဖြင့် အထက်ပါအချက်များကို စောစီးစွာသိနိုင်မည် ဖြစ်သည်။ လက်သည်းပေါ်တွင် အဖြူအစင်းများရှိနေပြီး ပင်ပန်း နွမ်းနယ်မှုဒဏ်ကို ခန္ဓာကိုယ်ကခံစားနေရပြီဆိုပါက သတိထားသင့် ပါသည်။ အဘယ်ကြောင့်ဆိုသော် ထိုအချက်သည် ကျောက်ကပ်များ လုပ်ဆောင်မှုအားနည်းရာမှ ဖြစ်ပေါ်လာတတ်သော သင်္ကေတ ဖြစ်နိုင်သောကြောင့်ဖြစ်သည်။ ထိုအဖြူစင်းများသည် ဆီးတွင် ပါသွား သော အသားဓာတ်များကို ကျောက်ကပ်က ပြန်လည်စုပ်ယူမထား နိုင်ခြင်းသင်္ကေတဖြစ်သည်ဟု ဒေါက်တာအော့စတိကဆိုပါသည်။ ဆိုလိုသည်မှာ ခန္ဓာကိုယ်သည် အသားဓာတ်ထိန်းသိမ်းထားနိုင်မှုထက် ဆုံးရှုံးမှုကပိုများနေကြောင်း၊ ကျောက်ကပ်များလုပ်ဆောင်မှု အားနည်း နေကြောင်းကို ညွှန်ပြခြင်းဖြစ်သည်။ ထို့ကြောင့် ဆရာဝန်နှင့်ပြသကာ ဆီးစစ်ရန်လိုအပ်ကြောင်းညွှန်ပြနေသော အမှတ်အသားဟု ဆိုရ မည်ဖြစ်သည်။ (၂)ချိုင်း တစ်ခါတရံ ချိုင်းတွင် ကြမ်းတမ်းသောအမည်းကွက်များ မြင်တွေ့ရလေ့ရှိပါသည်။ နေရောင်ဒဏ်ခံအဆီ သုတ်လိမ်းထားခြင်း ကြောင့်မဟုတ်ပါက ထိုသင်္ကေတသည် ဆီးချို၊ သွေးချိုရောဂါရှိနေခြင်း သင်္ကေတဖြစ်နိုင်သည်ဟု Web MD's Chief Editor ဒေါက်တာ မိုက်ကယ်စမစ်က ဆိုပါသည်။ သွေးထဲတွင် အင်ဆူလင်အမြောက်အများရှိနေခြင်းသည် အရေပြားဆဲလ်များကို လျင်မြန်စွာကွဲပြားစေပြီး တစ်ရှုးနှင့်မယ်လနင် ဓာတ်ဖြစ်ပေါ်နှုန်း မြင့်မားစေပါသည်။ ထိုအခါ အရေပြားသည် ကြမ်းတမ်းပြီး ပိုမည်းလာပါသည်။ အများအားဖြင့် ချိုင်းကြား၊ လည်ပင်း၊ ပေါင်ခြံများတွင် အမည်းကွက်များ တွေ့ရတတ်သည်ဟု ဒေါက်တာ မိုက်ကယ်စမစ်ကဆိုပါသည်။ ထို့ကြောင့် ချိုင်းတွင် ကြမ်းတမ်းသော အမည်းကွက်များတွေ့ရပါက ဆီးချို၊ သွေးချိုရောဂါရှိမရှိကို စစ်ဆေးသင့် ကြောင်း အကြံပြုပါသည်။ ဆီးချို၊ သွေးချိုရောဂါသည် ရောဂါဖြစ်ပွား နေကြောင်းကို အများအားဖြင့် မသိရှိကြသောရောဂါဖြစ်သည်။ (၃)မျက်ခွံ၊ ဒူးခေါင်းနှင့် တံတောင်ဆစ် မျက်ခွံ၊ ဒူးခေါင်းနှင့် တံတောင်ဆစ်တို့တွင် သေးငယ် ပျော့ပြောင်းသော အဖြူရောင်(သို့မဟုတ်) ဝါကျင်ကျင်အလုံးလေးများ တွေ့ရလျှင် သတိထားသင့်သည်ဟု ဒေါက်တာစမစ်ကဆိုပါသည်။ ထိုအလုံးကလေးမျာကိုလည်းတွေ့ရ၊ တစ်ချိ်န်တည်းမှာပင် ခန္ဓာကိုယ်တွင် ကိုလက်စထရောပမာဏလည်း မြင့်တက်နေပါက အသက်အန္တရာယ်ရှိနိုင်သော နှလုံးရောဂါ၏ လက္ခဏာဖြစ်သည်။ ထိုလက္ခဏာကို သိရှိမြင်တွေ့ရပါက ကျွမ်းကျင်သူဆရာဝန်နှင့် တိုင်ပင် ဆွေးနွေးသင့်သည်ဟုလည်း ဒေါက်တာစမစ်က ဆိုထားပါသည်။ (၄) ဦးရေပြား ဦးရေပြားအရေခွံများ ကျွတ်နေသည်ကို တွေ့ရပါက ထို လက္ခဏာသည် စိတ်ဖိစီးမှု၏လက္ခဏာဖြစ်သည်ဟု ဒေါက်တာစမစ်က ဆိုပါသည်။ ပြင်းထန်သော စိတ်ဖိစီးမှုသည် ခန္ဓာကိုယ်မှ ကော်တီဆုန်း ဟော်မုန်းကို အများအပြားထွက်စေသည်။ ကော်တီဆုန်းဟော်မုန်း သည် ကိုယ်ခန္ဓာခုခံအားနှင် ဇီဝလုပ်ဆောင်မှုတို့ကို ပျက်ပြားစေသည့် အပြင် ဦးရေပြားကိုလည်း သွေ့ခြောက်စေသည်။ ဦးရေပြားသွေ့ခြောက် ပြီး အရေခွံများကျွတ်ခြင်းသည် ဗောက်ပျောက်စေသော ခေါင်း လျှော်ရည်များသုံးစွဲခြင်းဖြင့် ခေတ္တပျောက်ကင်းစေနိုင်သော်လည်း လုံးဝပျောက်ကင်းသက်သာစေရန်မူ ဝလင်စွာအိပ်စက်ခြင်း၊ အသက် ပြင်းပြင်းရှုရှိုက်ခြင်း၊ အလုပ်မှခေတ္တအနားယူခြင်းတို့ပြုလုပ်ရန် လိုအပ် ပါသည်။ (၅)ဝမ်းဗိုက် အမျိုးသမီးများတွင် ဆီးခုံအောက်ဖက်ပိုင်း၌ အမွေးနုများ ပေါက်လေ့ရှိသည်မှာ သဘာဝပင်ဖြစ်သည်။ သို့ရာတွင် အမွေးနုများ မဟုတ်ဘဲ အမွေးကြမ်းများ ဆီးခုံတစ်လျှောက်တွင်မကဘဲ ဝမ်းဗိုက် အပေါ်ထိပါ ပေါက်လာပါက မျိုးဥအိမ်တွင် အရည်အိတ်များစွာ ဖြစ်ပေါ် ခြင်းကြောင့်ဖြစ်သော ရောဂါလက္ခဏာစုထဲမှ တစ်ခုဖြစ်နိုင်ကြောင်း တက္ကဆက်ဆေးတက္ကသိုလ် သားဖွားနှင့်မီးယပ်ဌာန ဒေါက်တာ ပါမာလဘီရင်ကဆိုပါသည်။ ကျားဟော်မုန်း အများအပြားထုတ်လုပ်မှုကြောင့် သွေးဆင်း များခြင်း၊ ကိုယ်အလေးချိန်တိုးခြင်း၊ ဝက်ခြံပေါက်ခြင်း၊ ဝမ်းဗိုက်၊ မျက်နှာ၊ ရင်ဘတ်နှင့်နောက်ကျောများတွင် အမွေးကြမ်းများပေါက်ခြင်း တို့ဖြစ်ပေါ်တတ်ပါသည်။ ထိုရောဂါလက္ခဏာများ ဖြစ်ပေါ်နေသော အမျိုးသမီး(၁ဝ)ဦးတွင် (၅)ဦးသည် မျိုးမပွားနိုင်ခြင်းနှင့် နှလုံးရောဂါ ကဲ့သို့သော ရောဂါအန္တရာယ်များ ကြုံတွေ့ရတတ်ပါသည်။ ထိုလက္ခဏာများဖြစ်ပေါ်ပါက သားဖွားနှင့်မီးယပ်ဆရာဝန်နှင့် ပြသသင့်ပြီး ဟော်မုန်းပမာဏထိန်းညှိရန် လိုအပ်ပါသည်။ (၆)လျှာ လျှာသည် ပုံမှန်အရောင်အဆင်းမဟုတ်ဘဲ အဖြူရောင် ဆေးသုတ်ထားသကဲ့သို့ ဖြူဆွတ်ဆွတ်ဖြစ်နေပါက အိပ်မောကျနေစဉ် အတွင်း အစာအိမ်မှအစာများ နောက်ပြန်ဖိတ်စင်မှုကြောင့်ဖြစ်နိုင်သည် ဟု ဒေါက်တာဖရိုင်ဟိုမာကဆိုသည်။ ပုံမှန်အားဖြင့် အစာမျိုပြွန် အောက်ခြေရှိ တစ်ဖက်ပွင့်အဆို့ရှင်သည် အစာအိမ်အတွင်းသို့ ရောက်ပြီးသောအစာများကို နောက်ပြန်မဖိတ်စင်အောင် ပြုလုပ်ပေး သည်။ ထိုအဆို့ရှင်မလုံသောအခါ အစာခြေအက်ဆစ်များ ခံတွင်း ဘက်သို့နောက်ပြန်ဖိတ်စင်သောကြောင့် လည်ချောင်းကွဲပြီး လျှာမှာ လည်း အက်ဆစ်များဖြင့် ဖုံးအုပ်နေကာ အဖြူရောင်ဖြစ်၍ ခံတွင်းနံ့ လည်း ဆိုးရွားနေပါလိမ့်မည်။ ထိုရောဂါလက္ခဏာကို ပျောက်ကင်းစေရန် အက်ဆစ် ပြေဆေးသောက်သုံးခြင်း၊ (သို့မဟုတ်)အက်ဆစ်များသော အစား အစာ၊ ပူစပ်သောအစားအစာတို့ကို ရှောင်ကြဉ်ခြင်းဖြင့် ကုသနိုင် ပါသည်။ မသက်သာပါက ဆရာဝန်နှင့်ပြသရန်လိုအပ်ပြီး ခန္ဓာကိုယ် အတွင်းမှ အက်ဆစ်ထုတ်လုပ်မှုလျှော့ချရန်ဆေးဝါးများ သောက်သုံး သင့်ပါသည်။ (၇)မျက်စိ တစ်ခါတစ်ရံတွင် ရုတ်တရက် မျက်ကွင်းညိုလာတတ်ပါ သည်။ မျက်ကွင်းညိုရခြင်းတွင် အကြောင်းအရင်းများစွာရှိတတ်ပါ သည်။ ညဥ့်နက်သန်းခေါင်တိုင်အောင် အလုပ်လုပ်ရသောအခါတွင် လည်း မျက်ကွင်းညိုတတ်ပါသည်။ ထိုသို့မဟုတ်ပါလျှင် ရုတ်တရက် မျက်ကွင်းညိုလာမှုသည် ဓာတ်မထည့်မှုကြောင့် ဖြစ်နိုင်ပါသည်။ လူ့ ခန္ဓာကိုယ်သည် ဓာတ်မတည့်ပစ္စည်းနှင့် တွေ့ဆုံပါက ဟစ္စတမင်း ဟူသည့် ဓာတုပစ္စည်းတစ်မျိုးထွက်ရှိပါသည်။ ထိုဓာတုပစ္စည်းသည် သွေးကြောများကို သွေးနှင့်အခြားအရည်များဖြင့် ဖောရောင်စေပြီး အရေပြား၏ အပါးလွှာဆုံးနေရာတွင် အမည်းကွက်များ ဖြစ်ပေါ်စေပါ သည်။ ထိုသို့ မျက်ကွင်းညိုလာပါက အရေပြားဆိုင်ရာ စစ်ဆေးမှု ပြုလုပ်ခြင်းဖြင့် မျက်ကွင်းညိုခြင်းဖြစ်စေသော ဓာတ်မတည့်သည့် ပစ္စည်းကို သိရှိကုသနိုင်ပါသည်။ တစ်ခါတစ်ရံတွင် မျက်သားအဖြူပေါ်၌ အနည်းငယ်ကြွတက် နေသော အဖုလေးတွေ့ရတတ်ပါသည်။ သာမန်အားဖြင့် အန္တရာယ်မရှိ သော မျက်သားတက်ခြင်းဖြစ်နိုင်ပါသည်။ နေရောင်၊ လေ၊ ဖုန်မှုန့်များ ကြောင့် ဆက်သွယ်တစ်ရှုးများ အလွန်အမင်းကြီးထွားလာခြင်းဖြစ် သည်ဟု မျက်စိအထူးကုဒေါက်တာ ထရေစီဂိုးစတိန်းက ဆိုပါသည်။ ထိုအဖုလေး ဆက်လက်ကြီးထွားမလာစေရန် မျက်စိစိုစွတ် နေစေမည့် မျက်စဉ်းကို အသုံးပြုရမည်ဖြစ်ပြီး အပြင်ထွက်လျှင် နေကာ မျက်မှန်တပ်ရန် လိုအပ်ပါသည်။ နံနက်ခင်းမျက်နှာသစ်ပြီးချိန်တိုင်းတွင် မျက်ခုံးမွေးနှုတ်ရုံ၊ ဝက်ခြံညှစ်ရုံသာမပြုလုပ်ဘဲ မိမိခန္ဓာကိုယ်အစိတ်အပိုင်းများကို ကြည့်ရှု စစ်ဆေးပေးခြင်းဖြင့် အရေးကြီးသော ကျန်းမာရေးဆိုင်ရာ သတင်း အချက်အလက်များကို ရှာဖွေကြည့်နိုင်ကြပါစေ။

Credit ပေးဖို့အတွက် မူရင်းလင့်ခ်ကိုမမှတ်မိတော့ပါ။ (၂၀၀၇ တုန်းက မှတ်ထားတဲ့စာလေးမို့ပါ)
ကျွန်တော်ဝက်ကလေးရေးတာတော့မဟုတ်ပါခင်ဗျာ။


ဝက်ကလေး (19-8-2012) 

Read More ->>

ဒါလည်းပဲပြီးသွားမှာပါ (သို့) ကျွန်တော့်ဘ၀ တစ်စိတ်တစ်ပိုင်း

ကျွန်တော် န၀မတန်းနှစ်က... ကျောင်းမှာဆရာမတော်တော်များများကချစ်ကြတယ်... ကျွန်တော်တို့သူငယ်ချင်းတစ်စုက အတန်းပိုင်ဆရာမ တွေ အခန်းကိုလာရင် ဆရာမရဲ့ ခြင်းတောင်း၊ စာအုပ်တွေကိုကူသယ်ပေးကြတယ်။ “ဖား” တာတော့မဟုတ်ဘူး။

ကိုယ့်ရဲ့ အနန္တဂိုဏ်းဝင်ကျေးဇူးရှင်ဆရာသမားတွေအတွက် “လာမူကြိုဆီး” လုပ်ပေးတာပါ။ အဲ့ဒီလိုနဲ့တစ်နေ့... ဆရာမက ကျွန်တော့်ကိုခေါ်တယ် (ကျွန်တော်က န၀မတန်း D ကပါ။ အတန်းပိုင် ၂ ယောက်ရှိပါတယ်။)။ ပြီးတော့... 

“ သား... မှန်မှန်ပြော။ ပိုက်ဆံ ၆၀၀၀ ယူထားသေးလား” တဲ့

“ သားမယူပါဘူးဆရာမ ” လို့ပြန်ပြောလိုက်တယ်။ 

အဲဒီနေ့က စ လို့ ဆရာမရဲ့ ဆွဲခြင်း ကျွန်တော့်ကိုလုံးဝ အထိမခံတော့ပါဘူး။ ကျန်တဲ့အတန်းပိုင်တစ်ယောက်ကတော့ ကျွန်တော့

ကိုဘာမှမပြောပါဘူး။ အရင်အတိုင်းပါပဲ။ အစပိုင်း ၁ရက်၊ ၂ ရက်လောက်ထိ ကျွန်တော်မရိပ်မိသေးဘူး။ နောက်တော့မှသိရတယ်။ ဆရာမရဲ့ ဆွဲခြင်းထဲထည့်ထားတဲ့ ပိုက်ဆံပျောက်သွားလို့ပါတဲ့။ ဒါဆိုအဓိက သံသယရှိသူ(တရားခံဟုထင်သူ) က ကျွန်တော်ပဲပေါ့။ ကျွန်တော်မရှင်းပြတတ်ခဲ့ပါဘူး။ ရှင်းပြလို့လဲမရနိုင်လောက်ဘူးလေ။ ဆရာမက ကျွန်တော့်ကိုလုံးဝစကားအပြောမခံတော့တာကိုး။ ကျန်တဲ့တစ်ခြားဆရာမ တွေကတော့ ကျွန်တော့်ကိုအရင်အတိုင်းပဲဆက်ဆံကြပါတယ်။ ဒါပေမယ့် ကျွန်တော်ကြိတ်ပြီးငိုခဲ့ရတယ်။ ရှင်းပြခွင့်မရတဲ့ ကျွန်တော့်ရဲ့  ဘ၀။ ဒါပေမယ့် ကျွန်တော့်ရဲ့  စာရိတ္တကို ကျွန်တော်ယုံတယ်။ အဲဒီတုန်းကကျွန်တော်တို့က တော်တော် ဆင်းရဲတယ်လေ (ခုလဲသိပ်မထူးပါ ဘူး)။ သူများတွေသုံးကြဖြုန်းကြတဲ့အချိန်မှာ ကျွန်တော်မုန့်စားဖို့အနိုင်နိုင်ပါ။ ဒါပေမယ့်အဲဒီတုန်းက ဆရာတော်တော်များများက ကျွန်တော့် ကိုသတိထားမိကြတယ်။ ကျွန်တော်က စာစိစာကုံးနဲ့ကဗျာမှာဆုခဏခဏရခဲ့လို့ပါပဲ။ ကျွန်တော် ကတော်လို့တော့မဟုတ်ပါဘူး။ ကျွန်တော့်ကို ကဗျာစပ်နည်းသင်ပေးခဲ့တဲ့ကျွန်တော့်ရဲ့ အဖေတော်လို့ပါ။ 

ကျွန်တော်က ခံစားလွယ်တယ်။ တစ်ခုခုဖြစ်ရင်သူများကိုဖွင့်ပြောတာရှားတယ်။ တစ်ယောက်တည်းပဲခံစားတတ်တယ်။ အဲဒီတုန်းက လည်း ကျွန်တော် တစ်ယောက်တည်း ကြိတ်ပြီးငိုခဲ့ရပါတယ်။ ခဏခဏပဲ။ ဒါပေမယ့်ကျွန်တော့်ရဲ့စိတ် ထဲမှာယုံကြည်ချက်တစ်ခုတော့ ရှိတယ်။ ဆရာမတစ်နေ့ ကျွန်တော့်စာရိတ္တကိုသိလာမှာပါဆိုပြီးတော့ပေါ့။ ကျွန်တော်ဘာတွေ ခံစားနေရတယ် ဆိုတာကို ကျွန်တော်နဲ့ ဘေးချင်းကပ်ထိုင်တဲ့သူငယ်ချင်းနေလွင်အောင် (ယခုတော့ဆရာဝန်ဖြစ်ပြီး ဘယ်မှာတာဝန်ကျနေလဲမသိ) တစ်ယောက်ပဲသိတယ်။ သူကတော့နှစ်သိမ့်ပါတယ်။ ကျွန်တော်လေနေရင် ကျွန်တော်နဲ့အတူ သချာင်္အတွက်ပြိုင်တယ်။ စိတ်ပြောင်းသွားအောင်ပေါ့။ ကျွန်တော့် ရဲ့ အခင်ဆုံးသူငယ်ချင်းတစ်ယောက်ပါပဲ။ (ကျေးဇူးပါသူငယ်ချင်း)။ အဲဒီလိုနဲ့န၀မတန်းကိုကျော်ဖြတ်ခဲ့ကြတယ်။

တက္ကသိုလ်ဝင်တန်းတက်မယ့်နှစ်မှာ ကျွန်တော် တိုက်ဖွိုက်ဖြစ်တယ်။ ကျွန်တော်တိုက်ဖွိုက်မဖြစ်ခင် မေမေက အစာအိမ်ဖြစ်ပြီး အိပ်ယာထဲလဲနေတယ်။ ကျွန်တော့်ရဲ့ အကိုကြီးကဒုတိယနှစ်၊ အငယ်လေးက လေးတန်း၊ အငယ်ဆုံးညီမလေးက ၂ နှစ်သမီးပဲရှိသေး တယ်။ အိမ်ရဲ့ စားဝတ်နေရေးအတွက် ဖေဖေတစ်ယောက်တည်းရုန်းကန်နေရတဲ့အချိန်မှာ ကျွန်တော်တို့က သေလုမျောပါးဖြစ်ခဲ့ကြ တော့ ဖေဖေအလုပ်ပျက်တယ်။ မိသားစုကိုပြုစုရတာနဲ့တင်ဖေဖေအလုပ်မလုပ်နိုင်ခဲ့ဘူး။ အိမ်မှာရှိတာလေးရောင်းချပြီး ဆေးကုခဲ့ကြ ရတယ်။ ဒီလိုနဲ့ ကျောင်းအပ်ဖို့ရက်ရောက်လာတယ်ပေါ့ဗျာ။ 

ကျွန်တော့်ကိုကျောင်းအပ်ပြီးတော့ အိမ်က ကျူရှင်မထားနိုင်ခဲ့ပါဘူး။ အစတုန်းကတော့ ကျူရှင်ကောင်းကောင်းတစ်ခုထားမယ်လို့ ရည်ရွယ်ခဲ့ကြတာပါ။ မထင်မှတ်ဘဲကျန်းမာရေးအတွက်နဲ့ မေမေတို့ရဲ့ ရည်မှန်းချက်ကအရာမထင်ခဲ့ပါဘူး။ အဲဒီလိုနဲ့ ကျောင်းတက်ပြီး တစ်လခန့်အကြာမှာ ကျွန်တော် ကြံ့ခိုင်ရေးကဖွင့်တဲ့ပညာဒါနကျောင်း(ကျူရှင်ပေါ့ဗျာ) မှာ တစ်လ ၈၀၀ နဲ့ တက်ခဲ့ရပါတယ်။ လာသင် ပေးတဲ့ဆရာတွေက (ပိုက်ဆံမရပေမယ့်) စေတနာနဲ့သင်ပေးကြလို့ ကျွန်တော်တို့အတွက် တော်တော်အဆင်ပြေခဲ့ပါတယ်။ ကျွန်တော် တို့နှစ်တွေတုန်းက ကျောင်းက အပ်ထားပြီး မတက်လို့လဲရတယ်ဗျ။ ဆယ်တန်းတွေကိုပြောပါတယ်။ (ခုတော့ ကျောင်းခေါ်ချိန်မပြည့်ရင် စာမေးပွဲဖြေလို့မရတော့ဘူး)။ အဲဒီတုန်းက လပတ်စာမေးပွဲသာပုံမှန်လာဖြေ၊ ကျောင်းမတက်လို့ရတယ်။ ဒါပေမယ့် ကျွန်တော်နေ့စဉ် ကျောင်းတက်ခဲ့ပါတယ်။ 

ကျောင်းအပ်တော့ ကျွန်တော်က ဒဿမတန်း (D) မှာဗျ။ ဒါပေမယ့် ကျောင်းတက်တော့ (E) ခန်းကိုရောက်သွားတယ်။ န၀မတန်း တုန်းက အတန်းပိုင်က လူချိန်းလိုက်တာပါ။ ကျွန်တော်ဝမ်းနည်းမိပါတယ်။ ဒါပေမယ့် ကျွန်တော့်ရဲ့ ယုံကြည်ချက်ကပျက်စီးမသွား ပါဘူး။ ဆရာမတစ်နေ့သိလာမှာပါလို့ပဲစိတ်ထဲကအမြဲဆန္ဒပြုမိပါတယ်။ ကျောင်းမှာလည်း ကျောင်းလာတက်တာဆိုလို့ ကျွန်တော့်အပြင် တစ်ခြားသူငယ်ချင်း လေးငါးယောက်လောက်ပဲရှိတယ်။ တစ်ချို့ ရက်တွေဆိုရင် ကျွန်တော်တစ်ယောက်တည်း။ ကျွန်တော့်ရဲ့ အတန်းပိုင် (၂)ယောက်က တစ်ယောက်က ဇီဝဗေဒ ကိုသင်ပေးတယ်။ တစ်ယောက်က မြန်မာစာ။ ခုအဲဒီမြန်မာစာဆရာမ မရှိတော့ပါဘူး။ မနှစ်ကပဲ ဆုံးသွားပါတယ်(ဆရာမကောင်းရာသုဂတိလားပါစေ)။ န၀မတန်းတုန်းက ကျွန်တော့်ရဲ့ အတန်းပိုင်ဆရာမဖြစ်ခဲ့ဖူးတဲ့(အခြားတစ်ယောက် ) က ကျွန်တော့်ကို နေ့လည်ထမင်းစားချိန်နဲ့ အားတဲ့အချိန်တွေမှာ သချာင်္သင်ပေးပါတယ်။ ကျွန်တော့်အတွက် ကျောင်းမှာ ၃ ဘာသာ သင်လို့ရပြီပေါ့။ ကျန်တာကိုကျူရှင်မှာလေ့ကျင့်၊ မသိတာရှိရင် ကျောင်းမှာ ရင်းနှီးခဲ့တဲ့ဆရာ/ဆရာမတွေကို လိုက်မေးနဲ့ ကျွန်တော်နေ ခဲ့ရင်း၊ နှစ်ဝက်လောက်မှာ ကျွန်တော့်ကိုအထင်လွဲနေတဲ့ဆရာမက ကျွန်တော့်ကို အခေါ်အပြောလုပ်လာခဲ့ပါတယ်။ ကျွန်တော်ဝမ်းသာ လိုက်တာမှ မျက်ရည်တောင်ကျပါတယ်။ နောက်ပိုင်းမှာ အဲဒီဆရာမကပါ ကျွန်တော့်ကို ရူပဗေဒဘာသာရပ်ကိုသင်ပေးပါတယ်။ ကျွန်တော့်အတွက် ၄ ဘာသာအဆင်ပြေပြီပေါ့။ ကျွန်တော်တက်ခဲ့ရတဲ့ ကျောင်းနဲ့ ကျူရှင်ကပြောင်းပြန်ဖြစ်နေပါတယ်။ ကျူရှင်မှာက (ပညာဒါနကျောင်းဆိုတော့) လူများပြီး ဘာသာရပ်အစုံသင်ပေးတယ်။ ကျောင်းမှာကျတော့ ကျွန်တော်အပါအ၀င်လေးငါးယောက်ကို ဆရာမတွေက ၀ိုင်းသင်ပေးတော့ သီးသန့်ဝိုင်းတစ်ခုလိုဖြစ်နေတော့တာပါ။ 

၂၀၀၃ မတ်လမှာ ကျွန်တော်တို့ရဲ့ ဘ၀တစ်ဆစ်ချိုးကိုစတင်ကွေ့ ရပါတော့တယ်။ ဘာသာရပ် ၆ ခုထဲမှာ ကျွန်တော်အပိုင်ဆုံးဘာ သာရပ်ဟာ ရူပဗေဒလို့တောင်ပြောလို့ရပါတယ်။ ဂုဏ်ထူးထွက်ဖို့အထိတောင်မှန်းခဲ့တာပါ။ ဒါပေမယ့် ကျွန်တော် ဂုဏ်ထူးတစ်ခုမှမပါ ခဲ့ပါဘူး။ ကျွန်တော်တက္ကသိုလ်ဝင်တန်းအောင်ပြီးတဲ့နောက်မှာ ကျွန်တော် ကိုယ့်လမ်းကို ကိုယ်ရွေးချယ်ခဲ့ပါတယ်။ ခုထိလဲအဲဒီလမ်းပေါ် မှာလျှောက်နေဆဲပါပဲ။ ကျွန်တော့်ကိုသင်ကြားပေးခဲ့တဲ့ဆရာ/ဆရာမတွေကိုလဲ ကျောင်းဘက်ရောက်တိုင်းဝင်ပြီးနှုတ်ဆက်ဖြစ်ခဲ့ပါ တယ်။ 

ကျွန်တော့်ဘ၀တစ်လျှောက်မှာ ခုချိန်ထိ အထင်လွဲမှုပေါင်းများစွာကိုကြုံတွေ့ခဲ့ရပြီးပါပြီ။ ဒါပေမယ့်အဲဒီတစ်ကြိမ်သာ ကျွန်တော့် အတွက် ၀မ်းနည်းခဲ့ရဆုံးအချိန်ဖြစ်ခဲ့တာပါ။ ကျန်တဲ့အချိန်တွေမှာတော့ ကျွန်တော် သိပ်ဂရုမစိုက်တော့ပါဘူး။ ဘာဖြစ်လို့လည်းဆိုတော့ ကျွန်တော့်ကိုယ်ကျွန်တော်ယုံကြည်မှုရှိလာလို့ပါပဲ။ ဘယ်လောက်ပဲစိတ်ပျက်စရာတွေ၊ အားငယ်စရာတွေ၊ စိတ်ညစ်စရာတွေ၊ ဖိအားတွေ များနေပေမယ့်လည်း ကျွန်တော် စကားတစ်ခွန်းတည်းကိုပဲလက်ကိုင်ထားပါတယ်။ အဲဒီစကားက-

“ This, too, will pass ” ၊ “ ဒါလည်းဘဲပြီးသွားမှာပါ” တဲ့။

(ပြီးဆုံးသွားတာချင်းတူပေမယ့်၊ ရလာဒ်ချင်းမတူကြပါဘူး။ ကိုယ်လိုချင်တဲ့ ရလာဒ်ကို ရအောင်ယူနိုင်ဖို့ တော့အရေးကြီးပါတယ်။)

အထင်လွဲမှုဆိုတာဖြစ်တတ်ပါတယ်။ ကျွန်တော်လဲခဏခဏအထင်လွဲခဲ့ဖူးပါတယ်။ ဒါပေမယ့်အဲဒီတုန်းကတော့ ခံစားခဲ့ရတာပေါ့ဗျာ။ ကျွန်တော်ယခုဒီစာကိုရေးတာလည်း ကျွန်တော့်ရဲ့ ဆရာမကိုအပြစ်မြင်လို့မဟုတ်ပါဘူး။ဆရာ/ ဆရာမတွေက ကျွန်တော့်ရဲ့ ကျေးဇူးရှင်တွေပါ။ ကျွန်တော်အထင်လွဲခံရတိုင်းအဲဒါလေး ကိုပြန်ပြီး တွေးမိနေလို့ချရေးလိုက်မိတာပါ။ အမှားပါရင်ခွင့်လွှတ်ပါ။

(ကျွန်တော့်ကိုမွေးဖွားပေးခဲ့သည့် မိဘနှစ်ပါးနှင့် သင်ကြားလေ့ကျင့်ပေးခဲ့သည့်ဆရာ/ဆရာမများအား ရှိခိုးကန်တော့လျှက်)
ဝက်ကလေး(19-8-2012)

Read More ->>

နေ့ကိုသောက်တဲ့ည

* တောက်ပမှုအောက်
ကောက်ကောက်လိုက်ခဲ့
ကျန်ခဲ့တဲ့ခြေရာတွေငါမကောက်တော့
နောက်မှပဲတောင်းပန်မယ်...။

* ညစဉ်ခြောက်လှန့်တဲ့
သွေးပျက်ဖွယ်ဂီတဆိုး
ငှက်ဆိုးရဲ့ ပါးစပ်တွေတောင်
ဆွံ့အခဲ့...။

* အားလုံးအမှောင်အတိ
ညကတော့... လင်းနေဆဲ
ကျေးဇူးပဲလမင်းရယ်...
မင်းပေးခဲ့တဲ့
မြိုချစရာအလင်းတွေ
ရင်ထဲမှာပြည့်နှက်
ညရီတရောမှာ
ပျော်မွေ့စရာတွေနဲ့...။

ဝက်ကလေး (4-8-2006)
ဒါလည်းကျောင်းမှာရေးခဲ့တဲ့ကဗျာလေးပါ...

Read More ->>

အသိ

* သူတို့ပြောတဲ့စကားလုံးတွေနဲ့

ငါ့နားထဲမှုတ်သွင်းလိုက်ကြ

သံချွန်ပေါ်အကျ

“ဖောင်း”   ကနဲ...


* ရေလှိုင်းနဲ့မမျောချင်ဘူး

နေကိုလှော်ဖို့ကြိုးစား 

အဓိပ္ပါယ်မဲ့

ကြွေခဲ့တဲ့ပန်းတစ်ပွင့် 

လေအတိုက်မှာလွင့်ခဲ့တယ်...


* ယူဆောင်ခဲ့တဲ့

မျှော်လင့်ခြင်းရဲ့ နောက်ကွယ်မှာ

ဥပေက္ခာအချို့ နဲ့ပေါ့...


* ငါစိုက်ခဲ့တဲ့အပင်

အသီးသီးခဲ့ချိန်မှာ

ငါဟာ...

ရင့်ကျက်မှုတွေနဲ့...  



ဝက်ကလေး (29-6-2006)

ဝက်ကလေးကျောင်းတက်တုန်းကရေးခဲ့တဲ့ကဗျာတစ်ပုဒ်ပါ... 

Read More ->>