ကွန်းကော့ဘတ်စ်... ရန်ကုန်နှင့် ကျွန်တော်
ကျွန်တော် မောင်ဝက်ကလေးတစ်ယောက် ချစ်သူသက်ထားရဲ့ မွေးသမိခင် (ကျွန်တော့ယောက္ခမလောင်း) က တွေ့ချင်တယ်ဆိုလို့ ပြီးခဲ့တဲ့ ၆ ရက်နေ့ညက ရန်ကုန်ရွှေမြို့ တော်ကြီးကို ရွှေမန်းသူဆိုတဲ့ ကားကြီးနဲ့ အရောက်သွားခဲ့ရသပေါ့။ ရွှေမန်းသူက ပါရမီကားဝင်းထိရောက်တယ်လေ။ နောက်ပြီးစိတ်ချရတယ်။ ပါရမီရောက်
ရင် --- ကားကိုစီးပြီး ( ) မှာဆင်း၊ ( ) ကနေ စောင့်နေပါတဲ့။ ချစ်သူကမှာထားတော့ -- ကိုစီးဖို့စောင့်ရပါတယ်။ -- ဆိုတဲ့ကားကလဲ မနက်စောစောမို့ပဲလား၊ စီးရေပဲနည်း သလားတော့မသိဘူး။ တော်တော်နဲ့ကိုပေါ်မလာတာ။ နာရီဝက်လောက်ကြာမှ တစ်စီးဆိုက်လာတော့
( ) ရောက်လားလို့မေးလိုက်တယ် (သေချာအောင်ပါ)၊ စပါယ်ယာ ခေါင်းညှိတ်ပြတာနဲ့ တစ်ခါတည်း တန်းအတက် ကားကလဲ ဆောင့်ပြီးထွက်... တော်သေးတယ် တန်းကိုမြဲမြဲကိုင်ထားမိပေလို့ပဲ။ နို့မို့ရင်တော့ ၀က်ကလေးတို့ ယောက္ခမနဲ့မတွေ့ခင် ကတ္တရာလမ်းနဲ့ ခေါင်းနဲ့ မိတ်ဆက်ရမှာအရင်...။ လမ်းတစ်လျှောက်မှာ မောင်းချက်ကကမ်းကုန်တယ်။ ထိုင်ခုံက သေးသေး ထိုင်ချလိုက်တော့ ခါးကဆန့်လို့မရဘူး။ ထိုင်ခုံက ၉၀ ဒီဂရီမှမရှိတာ။ ၆၀ ဒီဂရီလောက်စောင်းနေတော့ စဉ်းစားသာကြည့်တော့။ အပေါ်ကတန်းကိုလဲကိုင်ထားရသေး၊ ခါးလဲကုန်းထားရသေးနဲ့။ ထိုင်တယ်သာပြောရတာ ဖင်ကတစ်ကြွကြွရယ်။ လမ်းကဆိုးတာကိုး။ ဒီကြားထဲ ကားတစ်ချက်ခုန်လိုက်တိုင်း ဘေးကသံတန်းနဲ့ ခေါင်းနဲ့မိတ်ဆက်တာတော့ခဏခဏ။ အဲသလိုနဲ့ပဲ ( ) ကိုရောက်တယ်ဆိုပါတော့။ ( ) ကနေမှ ( ) ထိကိုကားတစ်ဆင့်ထပ်စီးတယ်။ ( ) ရောက်တော့ ဆင်းပြီး ချစ်သူလာအကြိုကိုစောင့်နေလိုက်တယ်။
ခဏနေတော့ ချစ်ချစ်နဲ့ သူ့မောင်လေးနဲ့ လာကြိုတယ်။ ရင်တွေကတော့ တစ်ဒိုင်းဒိုင်းနဲ့ပေါ့။ ချစ်ချစ်အိမ်ကိုရောက်တော့ ယောက္ခမကြီးကအေးဆေးပါပဲ။ ချစ်ချစ်အိမ်မှာ ၂ ညအိပ်သုံးရက်တည်းပြီးတော့ ၉ ရက်နေ့ညမှာ ဌာနေကိုပြန်ဖို့အတွက်ပြင်ရပါတယ်။ ကားကတော့ထုံးစံအတိုင်း ရွှေမန်းသူနဲ့ပဲဆိုတော့ ပါရမီကိုစီးဖို့အတွက် ( ) ကိုသွားတယ်။ ( ) ကနေမှ ညောင်ပင်အထိ ( ) စီးမယ်ပေါ့။ ကြုံရပြန်ပပေါ့ ( ) ရယ်။ ( ) စီးဖို့ဆိုပြီး နောက်ခန်းကိုအသွား ချစ်သူက ရှေ့ ခန်းကစီးမယ်ဆိုတာနဲ့ရှ့ ခန်းမှာဝင်ထိုင်။ ဒီတစ်ခါတော့သက်သောင့်သက်သာရှိပြီပေါ့ (စိတ်ကူုးနေတာ)။ ၀ုန်းဆိုကားကဆာင့်ထွက်ပြီးရှေ့ ကကားကိုလိုက်ဖိုက်ပါတော့တယ်။ ရှေ့ကားက ( ) ထင်တယ်။
အုံနာတစ်ယောက်တည်းကားတွေပဲလို့ပြောသံကြားလိုက်တယ်။ နောက်ခန်းမှာမထိုင်လိုက်
တာ တော်တော်လေးမှန်သွားတယ်။ ဒါမျိုးကျတော့ချစ်ချစ်က တော်သွားပြန်ရော (ကြွားတာ)။ ရုပ်ရှင်ဇာတ်လမ်းတစ်ခုကို 3D နဲ့ကြည့်နေသလိုကိုခံစားရတာ။ လမ်းလည်စည်းရဲ့ တစ်ဖက်အမြန်ယာဉ်ကျောမှာ ကိုယ့်ကားက တစ်စီးလုံးဝင်ပြီးကြဲနေတာ။ စက်ဘီးတွေ၊ တက္ကစီတွေများဘေးကိုရှဲကနဲ။ ရင်ကလဲတစ်ထိတ်ထိတ်။ အဲဒါကြောင့်ရန်ကုန်မှာကားတွေမှောက်တာလို့ တွေးမိသေးတယ်။ စိတ်ထဲမှာကားစီးနေရတယ်လို့ကို မထင်မိတော့ဘူး။ ပျံသန်းခွင့်ပိတ်ထားတဲ့ ကွန်းကော့လေယာဉ်းများငါမှားစီးမိလားလို့တောင်ကိုယ့်ကိုယ်ကို ထင်မိတယ်။ တစ်ခါဆို တက္ကစီတစ်စီးကရှေ့ တည့်တည့်ကနေလာနေတာ။ ၀က်ကလေးစီးတဲ့ကားက တစ်ဖက်ယာဉ်ကျောမှာ၊ ကားရဲ့ အရှိန်က အသံထက်မြန်နေတော့ ငြိပြီလို့ကိုထင်တာ။ တော်လိုက်တဲ့ ကိုယ့်ဆရာများက ကပ်သပ်ပြီးရအောင်ပွတ်သွားတာ။ ၀က်ကလေးတို့ကတော့ ကားစီးရင်းရင်တစ်ထိတ်ထိတ်။ ဘေးကချစ်ချစ်ကတော့ ငြိမ်လို့။ သက်သောင့်သက်သာပဲ။ အနောက်ကလူများတော့ဘယ်သို့နေသည်မသိ။( )ရာက်မှပဲခဏငြိမ်းတော့တယ်။ ကားရပ်ပြီးလူခေါ်တာ။ ကားရပ်တာလဲသိပ်မကြာပါဘူး။ ၂၅ မိနစ်လောက်ရှိမယ်။ ရပ်နေတုန်း ဘေးကနေ ရှေ့ ကားက လူကို မိုးမွှန်နေအောင်ဆဲသေးတယ်။ ဘေးနားမှာ မိန်းကလေးတစ်ယောက်ပါလာပါလားရယ်လို့တောင် ဂရုမစိုက်ကြဘူး။ သြော်... ရန်ကုန်... ရန်ကုန်...။
( ) ကနေပြန်ထွက်တော့ ရှေ့ မှာ ၁၀၆ မရှိလို့ဒီတစ်ခါတော့အေးဆေးပဲလို့ထင်တာ။ ပိုဆိုး။ မောင်းချက်က 9 လောက်ရှိမယ်။ သုမင်္ဂလာလမ်းနဲ့ သစ္စာလမ်းဆုံလည်းရောက်ရော ... မီးနီနေလို့ ကားရပ်မလားမှတ်တယ်။ ဘေးဘယ်ညာကြည့်ပြီး မောင်းထွက်တာ နောက်ကိုပက်လက်ပါလန်တယ်။ ဆိုးချက်။ ရန်ကုန်မီးပွိုင့်ဆိုတာများက ညနေစောင်း မိုးနဲနဲချုပ်ရင် မီးနီလဲဖြတ်လို့ရသဟ လို့ ၀က်ကလေးမှတ်ထားလိုက်တယ်။ စိတ်ထဲမှာတော့ဘုရားလဲ တရင်း ၊မြန်မြန်ရောက် ပါစေလို့ပဲဆုတောင်းရင်း...
အဲသလို...
အဲသလို...
အဲသလို...
နဲ့... ကျွန်တော်မောင်ဝက်ကလေး ညောင်ပင်ကိုရောက်ခဲ့ပါတယ်။ ကားပေါ်ကဆင်းတော့ ချစ်ချစ်ကို
ပြောလိုက်တယ်။ ကားကတော်တော်ကြမ်းတာပဲ လို့။ ချစ်ချစ်ကတော့ပြန်ပြောရှာပါတယ်။ အရင်စီးကာစ တုန်းကတော့ကြောက်တတ်တာပေါ့တဲ့။ ခုတော့လည်းအေးဆေးပါပဲတဲ့။ သူကတော့အေးဆေးပါတဲ့။ ကျွန်တော် မောင်ဝက်ကလေးကတော့ ကားပေါ်ရောက်တဲ့အထိရင်တုန်မပြေသေးပါခင်ဗျား...။
မရင့်ကျက်သေးတဲ့
ဝက်
(မှတ်ချက်။ ။ထင်ယောင်ထင်မှားမဖြစ်စေလို၍ ကားလိုင်းနှင့် ကားဂိတ်များအားချန်လှပ်ထားခဲ့ပါသည်။)
Read More ->>
Posts
